2026-11-18
Gipuzkoako oinarrizko piraguismoak arrakastaz burutu du denboraldiko 1. Kontzentrazioa Soustonsen
Joan den larunbatean, 2026ko azaroaren 14an, Gipuzkoako Piraguismo Federazioak 2026-2027 [...]
2026-11-18
Gipuzkoako oinarrizko piraguismoak arrakastaz burutu du denboraldiko 1. Kontzentrazioa Soustonsen
Gipuzkoako oinarrizko piraguismoak arrakastaz burutu du denboraldiko 1. Kontzentrazioa Soustonsen
Joan den larunbatean, 2026ko azaroaren 14an, Gipuzkoako Piraguismo Federazioak 2026-2027 [...]
Joan den larunbatean, 2026ko azaroaren 14an, Gipuzkoako Piraguismo Federazioak 2026-2027 denboraldiko 1. Teknifikazio Kontzentrazioa ospatu zuen Soustonseko aintziran (Frantzia), infantil mailako (Infantil A eta Infantil B) harrobiko kirolari gazteei zuzenduta, K1 eta C1 modalitateetan.
Jardunaldian lurraldeko lau klubetako 15 piraguistak hartu zuten parte: Santiagotarrak, Donosti Kayak, Itsas Gain eta Pasaia Kayak. Deialdi honen helburu nagusiak entrenamendu bateratuak egitea, kirolariei eguneroko errutinatik kanpoko estimulu berriak eskaintzea eta irteeren teknika modu espezifikoan lantzea izan ziren.
Uretako saioak eta azterketa teknikoa
Jardunaldia goizeko 9:00etan hasi zen, Irungo Santiagotarrak elkartearen instalazioetan atoiak kargatu eta Soustonserako bidea hartuz. Goizean zehar, kirolariek uretako lehen saioa osatu zuten 11:15etik 13:00etara.
Frantziako herriko jatetxe batean elkarrekin bazkaldu ostean, arratsaldean neurriak hartu zituzten, irteeren teknikari buruzko azalpen teorikoa eta bideoen ikustaldia egin zuten, eta 16:00etatik 17:00etara uretako bigarren saio praktikoa burutu zuten. Espedizioa 19:00ak aldera iritsi zen bueltan Irunera, ikaskuntzaz eta bizikidetzaz betetako jardunaldi emankorrari amaiera emanez.
Parte hartu duten piraguistak
- Emakume Infantil B: Xane Blanco, Ane Lucas Ausan, Anne Gomez, Lide Caballero eta Mikele Plagaro (Santiagotarrak); Libe Boullosa (Donosti Kayak).
- Emakume Infantil A: Vera de Frutos, Laura Blazquez eta Ariadna Sanchez (Santiagotarrak); Izaro Herreros (Itsas Gain).
- Gizon Infantil B: Gaizka Rubio eta Hugo Martin (Donosti Kayak).
- Gizon Infantil A: Aimar Elias, Unax Arrieta eta Asier Villalba (Santiagotarrak); Urko Lizaso (Pasaia Kayak).
Frantziako uretan egindako lehen kontzentrazio honekin, Gipuzkoako Piraguismo Federazioak hasiera eman dio 2026-2027 denboraldiko teknifikazio-programari, lurraldeko klubetako talentu gazteen jarraipenaren, prestakuntza teknikoaren eta kohesioaren aldeko apustua berretsiz.








