Joan den otsailaren 14an ospatu zen Real Federación Española de Piragüismo (RFEP) erakundearen urteko galan, 2024ko denboraldian egindako lan eta lorpen nabarmenak aitortu ziren.

Alde batetik, Pau Etxaniz 2024ko 23 urtez azpiko palista onenaren saria jaso zuen, Olinpiar Jokoetan lortutako brontzezko dominaren ondoren. Lorpen horrek estatuko piraguismoaren etorkizuneko erreferente nagusietako bat dela baieztatzen du.

Bestetik, Jesús Santiago 2024ko denboraldiko epaile onenaren izendapena jaso zuen, urtean zehar erakutsitako profesionaltasuna, konpromisoa eta lan bikaina aitortuz.

Zorionik beroenak biei, gure piraguismoaren izena goi mailan jartzen jarraitzeagatik.